Falece unha motorista canaria tras chocar un coche contra a súa motocicleta na N-120 na Rúa
Falece unha motorista canaria tras chocar un coche contra a súa motocicleta na N-120 na Rúa
Sábado negro nas estradas ourensás, con dous falecidos en múltiples accidentes en distintos puntos da provincia
A muller das Palmas de 56 anos facía unha ruta co seu home por Galicia
Unha muller natural das Palmas faleceu nun accidente de tráfico na Rúa, informou a Garda Civil. No sinistro víronse implicados un coche e unha motocicleta e faleceu a condutora da moto, que viaxaba con casco.
O sinistro rexistrouse contra as 13:00 horas na estrada N-120 (Vigo-Logroño), á altura o quilómetro 465.5. O coche terminou envorcado na cuneta, xunto á motocicleta.
Os servizos de emerxencias non puideron facer nada por salvarlle a vida á muller motorista. Distintas testemuñas apuntan a que por causas descoñecidas o turismo que circulaba en sentido a Ponferrada invadiu o carril contrario e colidiu contra a moto.
O accidente obrigou a cortar de xeito temporal o tráfico na N-120 e habilitar un desvío pola N-536.
🔴#AXEGAInforma dun accidente grave en #ARúa, no que perdeu a vida un motorista
— 112 Galicia (@112Galicia) August 17, 2024
📍 N120, quilómetro 465.5
➡️ Colisión coche-moto
🚨 Urxencias Sanitarias de Galicia-061, #BombeirosGESValdeorras, @guardiacivil de Tráfico, #PolicíaLocal e #ProtecciónCivilhttps://t.co/x59GpX7zlw pic.twitter.com/gYlEUn575X
