Morre un traballador en Gondomar atrapado por unha máquina

Un operario de 42 anos faleceu este venres no lugar do Telleiro, en Gondomar, atrapado polos rolos dunha máquina mentres traballaba nunha empresa do sector forestal.

A alerta activouse pouco antes das 11 da mañá. No lugar do suceso o equipo médico certificou o falecemento e solicitou a intervención de equipos de rescate e salvamento para poder recuperar o corpo da vítima.

Segundo informa o 112 Galicia, mobilizáronse os Bombeiros do Porriño e membros do GES do Val Miñor, que nestes momentos aínda traballan no lugar, xa que o falecido continúa atrapado.