Falece un home tras chocar o seu coche contra un piar en Vilariño de Conso

Un veciño de Manzaneda de 33 anos faleceu na madrugada deste sábado nun accidente de tráfico mentres conducía pola OU-0701, entre Cabalar e Vilariño de Conso en Ourense.

O seu vehículo saíu da estrada pola marxe dereita e colidiu contra o piar dun muro do peche dunha leira. Malia que levaba o cinto de seguridade o choque foi grave e faleceu no lugar do sinistro. Ata alí desprazaronse unha patrulla da Garda Civil de Tráfico do Barco e un equipo de Urxencias e dePprotección Civil de Manzaneda que non puideron facer nada por salvarlle a vida ao condutor.

Un particular foi quen deu aviso do accidente a Emerxencias e informaba de que unha persoa estaba atrapada no coche despois do accidente. El mesmo logou sacar ao accidentado do vehículo antes da chegada das axudas.