Morren os pilotos dos dous avións que bateron no aire en Roma

Dous pilotos da forza aérea italiana morreron despois de chocaren os seus avións. Estaban facendo un adestramento de rutina preto de Roma, e chocaron en pleno voo.

Anacos dun dos avións caeron no centro habitado dunha vila, Guidonia, e o outro estrelouse nunha explanada preto do aeroporto militar.

Investigan que puido pasar; unha testemuña dixo que eran catro os avións en voo e que un perdeu o alerón, xirou sobre si mesmo e debeu de bater co outro.