Multas de ata 200.000 euros por facer buratos para as fogueiras de San Xóan en Praia América, en Nigrán

As persoas que vaian a Praia América, no concello pontevedrés de Nigrán, e decidan cavar un foxo para facer a tradicional fogueira de San Juan expóñense a unha multa de ata 200.000 euros.

Así o advertiu o goberno local nigranés nunha nota de prensa na que informa do despregamento dun dispositivo de vixilancia "sen precedentes" na noite do próximo 23 de xuño para evitar que se realicen grandes fendas no areal durante a celebración de San Xoán

O concello e a Subdelegación do Goberno deseñaron un operativo no que participarán máis de 200 efectivos entre Policía Local, Garda Civil, Seprona, Policía autonómica, GES, Protección Civil e axentes de Tráfico, que estarán apoiados con tecnoloxía como drons.

O dispositivo despregarase desde a mañá do domingo para controlar os accesos a Praia América e evitar que se trasladen á praia pas ou aparellos para realizar grandes buratos, un costume que foi en aumento nos últimos anos para emprazar as fogueiras e que causa grande impacto no ecosistema do areal.

As multas por desobedecer a prohibición e levar a cabo buracos oscilarán entre os 100 e os 3.000 euros en caso de ser consideradas infraccións leves, pero poderían alcanzar os 200.000 euros se son catalogadas como graves.

As accións de control estarán apoiadas por tarefas informativas e de concienciación, coas que o concello nigranés quere incidir na importancia de reducir o impacto dos costumes da noite de San Juan, tanto na realización das fogueiras como na xeración de residuos e a súa recolección.

"O máis importante que todos debemos facer é informar á mocidade de que este ano será diferente en Nigrán. Poderase festexar San Juan pero sen cavar foxos que atentan contra o noso patrimonio natural. Este ano estará vixiado, controlado e multado, así que non ten sentido vir ao areal con pas porque deberán dar a volta", sinalou o alcalde, Juan González.