Rafa Nadal, o rei de París

Pode que sexa o seu último Roland Garros. O propio Nadal deixou aberta esa posibilidade antes de xogar con Djokovic. Neste 2022 Rafa Nadal acadou a 14ª Copa dos Mosqueteiros, o título máis prestixioso en terra batida. A realidade superou á ficción unha vez máis con Nadal que se impuxo por 6-3, 6-3, 6-0 a Ruud nunha final que volveu coroar a un dos tenistas máis grandes de todos os tempos.

"Non sei o que acontecerá no futuro pero vouno seguir intentando", asegurou no discurso posterior o español. 

Nadal comezou forte e rachoulle os dous primeiros servizos a Casper Ruud para coller unha vantaxe de 3-1 que foi defendendo ata o final do primeiro set. Malia os intentos do seu rival e que Nadal non estivo á mesma altura que nos partidos anteriores gañou por 6-3 en 48 minutos. 

No segundo set Nadal tivo que sufrir porque comezou 3-1 abaixo cunha rotura de servizo de Ruud. Pero no quinto xogo Nadal respostou con outro break que igualou o partido. O tenista español gañou cinco xogos de xeito consecutivo (tres roturas) dun set que rematou cunha dobre falta dun rival que comezaba a verse moi superado polo imponente Rafa Nadal (6-3).

O último set foi pola vía rápida. Ruud baixou os brazos e Nadal foi unha apisonadora. 6-0 contundente para facerse cun título que gañou nas roldas anteriores, en especial nuns cuartos de final memorables diante de Djokovic e en semifinais cun durísimo partido contra Zverev. 

 

RAFA NADAL, O REI DE PARIS
🏆 05
🏆 06
🏆 07
🏆 08
🏆 10
🏆 11
🏆 12
🏆 13
🏆 14
🏆 17
🏆 18
🏆 19
🏆 20
🏆 22

Gaña o 14º @rolandgarros a Ruud (6-3, 6-3, 6-0)

Simplemente @RafaelNadal pic.twitter.com/OOdamSo2nl

— En Xogo tvG2 (@EnXogo_tvG2) June 5, 2022