O 112 invita varios 'influencers' a coñecer como se xestionan e se coordinan as emerxencias
O 112 invita varios 'influencers' a coñecer como se xestionan e se coordinan as emerxencias
É un ámbito en que unha información coherente e coordinada é fundamental para salvar vidas
María Foscaldo, é @meryfos_ e La Repunante. Está en TikTok e en Instagram. Esta influencer e xornalista de formación sabe ben a importancia de que os datos e os feitos que se difunden sexan veraces, contrastados, rigorosos.
Diso vai a xornada organizada polo 112: de conseguir que neses novos altofalantes que chegan á xente que atende menos os medios tradicionais, as redes, haxa tamén información ben contrastada.
"As comunicacións están cambiando cada vez máis, tiktokers, youtubers e basicamente o que buscamos é que se sintan parte do sistema autonómico de emerxencias", dixo Marcos Araújo, o xerente da Axencia Galega de Emerxencias.
"En redes hai moita desinformación, moitas cousas que non son de todo correctas, e creo que é importante que se fagan este tipo de xornadas e visitas para que se coñezan mellor", engade a 'influencer' e xornalista María Foscaldo.
Na visita comprobaron como funciona a sala de emerxencia do 112 Galicia, un número europeo que interrrelacciona, coordina e integra todos os servizos que se mobilizan ante catástrofes, accidentes e eventos que requiren da actuación dos equipos de Protección Civil.
