O Balonmán Cangas perde na pista do Puente Genil (29-27)

O Frigoríficos do Morrazo perdeu na súa visita ao Puente Genil por 29 a 27. Os cangueses dominaron o partido durante o primeiro tempo, no que foron sempre por diante no marcador. Ao tempo de lecer chegouse cun 14 a 16 a prol dos galegos.

Pero na segunda metade os locais reaccionaron e o encontro chegou co marcador igualado aos últimos minutos. A defensa do Puente Genil foi chave nas últimas accións. O Cangas, no que Varela foi o máximo anotador con cinco goles, queda con dez puntos.