O bloqueo na venda de billetes Ourense-Madrid para Nadal podería deberse á chegada do AVE
O bloqueo na venda de billetes Ourense-Madrid para Nadal podería deberse á chegada do AVE
Coa chegada da alta velocidade aumentaranse a frecuencia e as prazas
O traxecto Ourense-Madrid durará dúas horas e cuarto
Renfe ten bloqueada a venda anticipada de billetes entre Ourense e Madrid para a semana de Nadal, unha das que máis movemento hai de pasaxeiros.
O bloqueo na venda de billetes é unha práctica habitual en Renfe cando vai haber algún cambio no servizo, polo que todo apunta a que esa semana de Nadal será cando chegue o AVE a Galicia.
Entraría polo tanto en funcionamento o último tramo que queda entre Pedralba de la Pradería, en Zamora, e Ourense.
Aínda non é oficial, pero o Goberno central comprometeuse a que o AVE chegaría en decembro e, se quere cumprir a súa palabra, de non ser na semana de Nadal quedaríalle unha máis, a de fin de ano.
O que si está confirmado é que, unha vez que chegue o AVE a Galicia, aumentarase a frecuencia de trens diarios, de seis a nove e dobrarase o número de prazas, ata as case 3.000. Reducirase tamén o tempo da viaxe: coa chegada da alta velocidade serán dúas horas e cuarto.
