O Burela perde co Valdepeñas e segue de cabeiro

Na primeira división, o Pescados Rubén Burela segue sen coñecer a vitoria. Esta tarde, perdeu na pista do Valdepeñas.

Era unha cita difícil pois diante estaba un dos líderes da categoría. O Burela cedeu nos últimos minutos da primeira parte, logo de que Wanderson igualase o tanto inicial do local Catela. Contra o descanso, os goles de Matheus e, unha vez máis, Catela, marcaron a diferenza.

No segundo tempo Humberto fixo o 4-1 definitivo. O Burela segue de cabeiro. En seis xornadas só foi capaz de obter un punto.