O calendario da Liga Feminina Endesa xa está aquí
O calendario da Liga Feminina Endesa xa está aquí
Baxi Ferrol, Ensino e Celta afrontan un curso máis na elite do baloncesto feminino español
A competición iníciase o 5 de outubro e rematará a mediados de maio coa final
![Fonte: Celta Baloncesto](https://img-g24-crtvg.flumotion.com/prog24/2024/20240722/basketfeminino.jpg)
Os equipos galegos da L. F. Endesa xa coñecen os seus rivais e a orde en que se enfrontarán a eles.
A temporada de Baxi Ferrol comeza no pavillón da Malata, onde se baterá co Araski AES vitoriano. Pola súa parte, o Ensino viaxa na primeira xornada a Gernika, con cuxo equipo quedou igualado en récord de vitorias o ano pasado. Máis difícil é o inicio do Celta, que debuta ante o Estudiantes.
E na mesma cancha onde comezan as viguesas, o Ensino rematará a súa tempada. Baxi Ferrol pechará a campaña en Zizur ante o Ardoi e o Celta fará o propio en Navia, na casa, contra o Gran Canaria.
Os afeccionados galegos ao baloncesto poderán gozar de tres derbis: na xornada 5, Baxi Ferrol enfrontarase ao Ensino; as luguesas recibirán ao Celta na undécima data, e o pavillón de Navia acollerá o partido entre o Celta e o Baxi Ferrol polo Nadal, a piques de pechar a primeira volta.