O Cangas demostra o seu potencial pero sucumbe ante o Barça

Un partido moi fácil de xogar e sen nada que perder. Así encaraba o Frigoríficos do Morrazo, en palabras do seu adestrador, este enfrontamento co Barcelona no Gatañal.

Hoxe demostraron o seu potencial diante do campión de Liga e de Europa. Especialmente na primeira metade, cos cangueses por diante moitos minutos. O Barcelona reaccionou e levou a vitoria por 26 a 33, pero no Gatañal teñen motivos para o optimismo.