O Frigoríficos, a distanciarse do descenso en Guadalaxara

O Frigoríficos do Morrazo buscará este sábado no pavillón David Santamaría de Guadalaxara un triunfo que lle permita afastarse dos postos de descenso e empezar a soñar cun curso máis tranquilo que os últimos dous, nos que tivo que xogar o 'play-out' de descenso para manterse na máxima categoría.

Sumar os dous puntos ante o equipo dirixido por Juan Carlos Requena permitiría ao Frigoríficos superar o mazazo que supuxo a derrota ante o BM Nava no Gatañal, ademais de afastar a tres puntos a un rival directo pola permanencia.

Con todo, o cadro galego non garda un bo recordo do seu próximo rival, que lle gañou os dous duelos que disputaron no curso 2022-23, que acabou co Guadalaxara descendendo a División de Honra Prata tras ser sorprendido polo Cisne, xa descendido, na penúltima xornada do campionato.

Daquelas dúas derrotas, especialmente dolorosa para o Frigoríficos foi a sufrida na súa pista (27-31), onde o equipo alcarreño dominou de principio a fin apoiándose nos goles de Tito Díaz, Falcón e o arxentino Pancho Lombardi.