O Celta de Giráldez comeza a deseñar os amigables de pretemporada

O Celta confirmou un partido amigable desta pretemporada. Será ante o West Ham de Lopetegui o vindeiro 10 de agosto. A cita disputarase no Estadio de Londres ás catro da tarde e forma parte do trofeo Betway Cup, que se celebra desde o 2015.

Quedan dúas semanas para o inicio da pretemporada no Celta e este é o primeiro rival que se coñece de xeito oficial. O West Ham é un dos equipos británicos que máis temporadas disputou a Premier League. Será unha proba de nivel para os de Claudio Giráldez, a oito días do comezo da Liga.

De xeito extraoficial sábese que o club xogará en Aveiro un torneo no que tamén participarán o Benfica e o Farense, da Liga Portuguesa. Será unha proba similar á do ano pasado e da que no Celta saíron moi ledos.