O Celta Fortuna asalta Fuenlabrada (0-2) e remata o ano como líder

O Celta Fortuna marcha imparable na Primeira Federación. No Fernando Torres de Fuenlabrada, unha praza complicada, acadou a terceira vitoria consecutiva, e quinta nas seis últimas xornadas. E, con ela, asegura rematar o ano no primeiro posto, o de ascenso directo, da Primeira Federación.

O filial celeste gozou das mellores ocasións, do partido, especialmente unha de Alfon nos primeiros minutos, e soubo agardar o seu momento para poñerse por diante. Foi nunha acción afortunada, chegando xa ao tempo de lecer, cando un centro de Joel López desde a esquerda era desviado por Alba contra a súa propia portería.

Na segunda metade o Fuenlabrada buscou o empate, pero o Celta Fortuna volveu xogar coa tranquilidade dos equipos con confianza. Logo dunha boa xogada de Miguel Román, e dun erro de Pablo Durán, o propio Durán era o encargado de anotar o 0-2 que pechaba o partido aos 82 minutos. 

O equipo de Claudio Giráldez despide o ano nun dos mellores momentos da temporada, e con toda a confianza para afrontar o 2024.