O Celta Fortuna pon as ocasións e o Osasuna B os goles (3-1)

O que vise os primeiros setenta minutos non podería crer o resultado. O Celta Fortuna perdoou ante o filial do Osasuna e acabouno pagando moi caro. Xavi Huarte no minuto 70 marcou o primeiro. A partir dese intre o equipo vigués botouse arriba e acabou recibindo dous goles máis á contra marcados polo exdeportivista Noel e pola promesa navarra Anai Morales. No engadido, Tincho marcou o gol da honra, pouco premio para os merecementos do equipo vigués.