O Celta pon rumbo ao Vaticano, onde será recibido polo Papa Francisco

O Celta pechou a primeira semana de traballo ás ordes de Rafa Benítez. Sete días ben intensos, con dez sesións de adestramento para empezar a asimilar os conceptos e as ideas do novo adestrador. Polo momento, sen novas incorporacións, pois Manu Sánchez disputou o Europeo coa sub-21.

Esta tarde o equipo viaxou ao Vaticano, onde será recibido en audiencia polo Papa Francisco. O primeiro amigable será o día 17 no Algarve ante o Al-Nassr de Cristiano Ronaldo.