O Celta, preparado para asaltar Butarque

O Celta visita mañá ó Leganés. Último adestramento este mediodía antes do partido. Claudio Giráldez ve cada vez máis estable ó equipo. Un equipo moi unido... os futbolistas facían a tradicional felicitación a Javi Rodríguez pola súa renovación.

Para medirse ó Leganés, xa volve Iago Aspas, logo de cumprir a súa sanción. E tamén Ilaix Moriba. Non entraron na convocatoria nin Jaílson, que vai ser baixa durante seis semanas, nin Luca de la Torre nin Aidoo...os dous últimos, o técnico quere reservalos para a Copa. Mañá o Celta ten unha nova oportunidade de seguir probándose e de seguir mellorando.