O Celta xuvenil vai por todas na Copa do Rei, que se xoga no Anxo Carro

O Celta xuvenil chega forte á fase final da Copa do Rei, tras a vitoria lograda na mañá de onte na Madroa ante o Oviedo. Un triunfo importante xa que os xogadores adestrados por Claudio Giráldez levaban dous malos resultados, tras o empate ante o Bansander e a derrota ante o Racing de Santander.

O Celta xogará mañá ante o Español na semifinal da Copa do Rei Xuvenil. O Anxo Carro acollerá os tres partidos para decidir o campión da edición do 2022. Betis e Real Madrid pugnarán pola outra praza na gran final.

O conxunto que dirixe Claudio Giráldez alcanzou esta rolda despois de eliminar en dezaseisavos na prórroga o Deportivo na Madroa (2-1) para logo deixar fóra o Málaga, ao que superou no seu campo (0-2). De novo como na primeira rolda, en cuartos tiveron que remontar un tanto inicial do Selecta, ao que gañaron por 4-1.

Claudio Guiráldez: "Sabiamos que podiamos facer cousas moi bonitas. Agora hai que poñerlle o ramo"

Damián: "Temos moitas ganas de xogar esta semifinal. Tentaremos dar o mellor de nós mesmos"

💙 O celtismo, cos nosos xuvenís

🚌 O @RCCelta pon autobuses de forma gratuíta a disposición dos abonados apoiar os nosos canteiráns na #CopaDelReyJuvenil

🎟️ Cada abonado poderá comprar ata catro entradas exclusivas a 5€ cada unha

📅 Data límite: mércores 13 ás 10.00 👇

— Canteira Celeste (@CanteiraCeleste) April 11, 2022