O ciclón Gabrielle arrasa Nova Zelandia

Din que é unha tormenta potencialmente devastadora: falamos do ciclón Gabrielle, que xa chegou a Nova Zelandia. Na Illa Norte calcúlase que 58.000 fogares non teñen luz, alí é onde se concentran as incidencias causadas polas intensas chuvias, as ondas xigantes e os ventos, que chegan aos 160 quilómetros por hora.

Varias localidades da costa declararon o estado de emerxencia e foron evacuadas. As autoridades avisaron aos veciños de Auckland, a cidade máis grande do país, de que deben quedar na casa. O aeroporto cancelou máis de 500 voos. Moitas escolas e servizos públicos están pechados hoxe.