O conselleiro de Emprego visita asociacións culturais galegas en Zúrich e Basilea

O conselleiro de Emprego, Comercio e Emigración visitou este sábado en Zúrich a sede da Asociación Cultural As Xeitosiñas, antes de participar esta tarde en Basilea no 40 aniversario do Centro Recreativo Cultural Ourense.

José González destacou o compromiso da Xunta coa colectividade galega en Suíza, onde residen máis de 41.000 galegos e onde hai 13 centros galegos que figuran no Rexistro da Galeguidade. Gabou o labor que desenvolven estas entidades na difusión da cultura e tradicións de Galicia.