Homenaxe na Habana ás mulleres emigrantes galegas

O legado e o labor desenvolvido en Cuba polas mulleres emigrantes galegas foi enxalzado e recoñecido durante unhas xornadas organizadas polo Consello da Cultura Galega e a Universidade da Habana. 

Especial mención para a profesora mindoniense Andrea López Chao, que en 1917 foi unha das fundadoras da sociedade Fillas de Galicia para a protección das emigrantes dos abusos e discriminacións das que moitas eran obxecto.  

Durante as xornadas tamén se proxectou o documental Fillas de Galicia, en que dúas emigrantes contan a súa historia, e inaugurouse a exposición O soño cubano da emigración galega, que permanecerá na Habana ata finais de abril.