O Consello Fiscal esixe a dimisión a García Ortiz como fiscal xeral

 A maioría do Consello Fiscal, co impulso da maioritaria e conservadora Asociación de Fiscais, reclamou este xoves ao fiscal xeral do Estado, Álvaro García Ortiz, que renuncie ao seu cargo tras a decisión do Tribunal Supremo de abrirlle unha causa por presunta revelación de segredos.

Como fixo este xoves ante a Xunta de Fiscais, Álvaro García Ortiz mostrouse firme ante o Consello Fiscal -principal órgano asesor do ministerio público- na súa decisión de continuar á fronte da institución.

Os seis vogais do Consello Fiscal pertencentes á Asociación de Fiscais  e o da Asociación Profesional e Independente de Fiscais  insistiron en que García Ortiz debe dimitir para preservar a imaxe e imparcialidade da institución.