O Consello Xacobeo celebra o éxito deste ano santo singular

Esta tarde celebrouse no Hostal dos Reis Católicos de Santiago o pleno do Consello Xacobeo. 
O Ministro de Cultura Miquel Iceta presidiu unha xuntanza en que as distintas administracións fixeron unha valoración moi positiva do Ano Santo especial e prolongado que remata neste 2022.

Pola Xunta de Galicia, o Conselleiro Román Rodríguez asegurou que hai que pensar xa na seguinte etapa deste evento tan importante e pediu seguir mellorando e que no 2024 comecen a traballar nas desgravacións fiscais de cara ao Ano Santo de 2027.