O Coruxo cae goleado na súa visita a Avilés (4-0)

O Coruxo viuse superado polo Real Avilés na súa visita ao Estadio Román Suárez Puerta. A pesar dunha primeira metade igualada, no segundo tempo os locais pasaron por encima dun Coruxo que non consegue romper a mala dinámica.

No minuto 52 chegaría o primeiro dos locais, por parte de Claudio Medina, que repetiría no 65 para poñer o 3-0. O segundo tanto do Real Avilés foi de Senra no 62, e o cuarto e definitivo sería no desconto por parte de Julio Rodriguez.

Tras a derrota, o Coruxo marca a zona da salvación con só un punto sobre o descenso.