O Coruxo vence pola mínima e soña co 'playoff' (1-0)

O Coruxo recibiu a Arandina nun partido no que podía esquecerse definitivamente do descenso para meterse de cheo na loita polo playoff de ascenso.

Na primeira metade os visitantes foron mellores e perdoaron unha chea de ocasións. A posesión estivo repartida, pero o perigo tan só se asomou pola área do Coruxo. Así marchou ao descanso un partido que semellaba costa arriba.

Na segunda metade, David Añón veu porta no primeiro disparo a porta e puxo os locais por diante no marcador. Tras o gol, o Coruxo tivo varias opcións para mover o electrónico, mesmo un traveseiro, pero non se moveu o resultado.

O Coruxo métese así na loita pola promoción de ascenso, mentres a Arandina está practicamente desafiuzada.