O Deportivo Abanca, eliminado da Copa polo Granada

O Deportivo Abanca está fóra da Copa da Raíña. O Granada, un equipo en teoría inferior ás coruñesas, conseguiu levar a eliminatoria a partido único en Abegondo.

E non comezou mal o partido, cun tiro ao pau de Carlota para meterlle o susto no corpo ao Granada.

Despois, xa na segunda metade, o cadro coruñés pediu penalti por unha suposta man dentro da súa área, pero o colexiado non asubiou.

Contra o minuto oitenta, o Dépor mandou outro tiro afastado ao traveseiro, pero só tres minutos despois, a sentenza do partido. As granadinas tiraron unha contra de manual, e Patri Mascaró puxo o 0-1 final.