O Deportivo Abanca perde na casa diante do Barça B (0-3)

O Deportivo Abanca recibiu ao potente filial do Barcelona, un Barça B que chegaba a Abegondo no liderado, xusto por diante das coruñesas. E as de Irene Ferreras non atoparon o seu sitio no céspede, ante a presión das xogadoras culés, que se impuxeron con autoridade por 0-3.

O primeiro tanto do partido chegou nunha acción de Martina Fernández. O segundo marcouno en propia porta Samara. E o definitivo tres a cero levou a sinatura de Lucía Corrales.

Coa derrota, as coruñesas non perderon o posto de ascenso directo, pero quedaron a expensas do resto dos resultados da xornada.