O Deportivo-Castela, partido estrela nunha xornada importante en Primeira RFEF
O Pontevedra recibe esta tarde o Alxeciras á busca da salvación (19 h, G2)
Á mesma hora, o Celta B visita San Sebastián de los Reyes
Mañá a mediodía, o Rácing xoga en Alcorcón
Xa non hai entradas para o Deportivo-Castela de mañá ás 19 h (G2)
Xornada con dous duelos polo alto e con protagonismo galego. Riazor roldará o cheo mañá para ver o segundo contra o terceiro clasificado. O Deportivo no seu mellor momento da temporada (leva 6 xornadas sen perder), e o Real Madrid Castela que vén de enlazar dúas derrotas por primeira vez. Especial atención ás dianteiras, onde volverá Noel, de branco, e faltará Quiles, maximo goleador da competicion.
E no outro duelo nas alturas, o Rácing, o cuarto, visita o líder, o Alcorcón. Na memoria queda a remontada dos madrileños na Malata. Para o desquite, os ferroláns terán que ser o primeiro equipo que gañe en Santo Domingo. Viaxan con moitas baixas, a última a de Aitor Pascual, sancionado; pero con determinación.
Tamén a Madrid viaxa o Celta B. Hoxe xogará no campo do San Sebastián de los Reyes, un equipo que foxe do descenso e que é o peor como local. Mellores son as perspectivas dos vigueses, a dous puntos dos postos de promoción grazas á gran segunda volta que están a facer.
Para apuros os que pasa o Pontevedra, o último a oito puntos da permanencia. Hoxe intentará frear esa caída libre a partir das sete ofrecido pola G2 xogarán outro partido crucial ante un rival directo, o Alxeciras.
