O Deportivo gaña en Balaídos e métese na lea do ascenso directo
O Deportivo gaña en Balaídos e métese na lea do ascenso directo
Nun partido de escasas ocasións, o gol de Pablo Vázquez a balón parado foi decisivo
Rubén López no 89 e Manu Garrido no 93 completaron o marcador
Xornada propicia para o Deportivo, porque non gañou ningún dos catro primeiros clasificados
O Deportivo gañou en Balaídos e tirou proveito do resto de marcadores para meterse de cheo na pelexa polo ascenso directo. Os empates de Ponferradina, Nàstic e Cultural Leonesa resultaron propicios para o equipo de Claudio Giráldez, que fixo os deberes e conseguiu impoñerse por 1-2.
Foi nun partido de escasas oportunidades, sobre todo no primeiro tempo. O único achegamento salientable foi un remate de Miguel Román desde fóra da área que se estrelou contra o pau.
A segunda metade ía polo mesmo camiño ata que apareceu Pablo Vázquez. O central era o único capaz de xerar perigo nas accións a balón parado e no minuto 72 acertaba coa portería.
Co gol animouse o partido; o Celta Fortuna tirouse ao ataque (reclamou dous penaltis), e, á contra, o Deportivo parecía sentenciar co tanto do de Silleda Rubén López no minuto 89.
Na seguinte xogada de ataque, Manu Garrido recortou diferenzas para o Celta Fortuna, pero xa non quedou tempo para que os locais tivesen outra ocasión e puidesen lograr o empate.
