O Deportivo volve a Riazor contra o Mérida co primeiro posto na cabeza (19:00 h, G2)

O Deportivo recibe o Mérida este serán en Riazor, nun partido que comeza ás 19:00 h, e que poderán seguir en directo na G2 e en G24.gal.

O equipo deportivista volve ao seu estadio logo do empate en San Fernando. Os de Óscar Cano son cuartos, con catro puntos máis que o Rácing, que visita mañá a Cultural Leonesa, e con catro menos que o líder, o Alcorcón.

O técnico branco e azul non pensa noutra cousa que non sexa ese primeiro posto e entende que é o obxectivo claro do seu equipo. Óscar Cano indica que, se pensase outra cousa, deixaría o banco de Riazor.