O Emevé métese na semifinal da Copa logo dun vibrante partido

O Emevé clasificouse para a semifinal da súa Copa logo de derrotar o Haro da Rioxa por 3-2. O partido foi dos que fan afección, co Emevé gañando os dous primeiros sets diante dunha parroquia emborcada (25-16, 25-21). 

Pero o Haro vendeu cara a súa derrota e remontou nos dous seguintes (18-25, 23-25) levando o partido ao quinto e definitivo set. O último parcial foi de infarto, chegouse con empate a 10 aos últimos puntos pero no intre decisivo o Emevé, levado polo público, acabou gañando por 15-10.