O Español responde a Mapi León: "As imaxes son clarísimas"
Dolors Ribalta mostrou todo o seu apoio á colombiana Daniela Caracas e non descartou unha denuncia
A responsable do fútbol feminino do Español, Dolors Ribalta, respondeu ao comunicado da xogadora do Barcelona Mapi León, que nega tocamentos á branquiazul Daniela Caracas no derbi do domingo, e afirma que as imaxes son "clarísimas" e, por tanto, cualifica o ocorrido de "inadmisible".
Ribalta asegurou que o vídeo do partido non permite debate.
"Viuno todo o mundo e non deixa espazo para a dúbida".
DECLARACIÓ DE LA NOSTRA
— FC Barcelona Femení (@FCBfemeni) February 10, 2025
JUGADORA MARÍA PILAR LEÓN pic.twitter.com/IuVhdJNfB5
A dirixente branquiazul apunta que a sociedade "afortunadamente" avanzou e xa non se atopa "na época de Míchel e Valderrama".
"Non é un tema de cores, é un tema de respecto e de dignidade", engadiu a responsable do fútbol feminino do Español.
Por outra banda, Dolors Ribalta mostrou todo o seu apoio á colombiana Daniela Caracas e non descartou unha denuncia.
"Actuaremos en función do que a xogadora nos pida e estaremos ao seu lado en todo momento. Queremos que se recupere e frear os insultos que está a recibir".
