O exdirector xeral de Saúde das Baleares admite que Fomento lles ofreceu as máscaras da empresa vinculada a Koldo García

A presidenta do Congreso, Francina Armengol, comparece esta tarde na comisión do Congreso para aclarar os contratos de compra de máscaras que asinou o Goberno balear que ela presidía.

O seu exdirector xeral de Saúde explicou que foi o Ministerio de Fomento o que o puxo en contacto con Koldo García.

"Recibín unha chamada do Ministerio de Fomento, informándonos de que estaban organizando un gran transporte de importación de material dende China. Mandeille unha mensaxe a este contacto solicitando información, e recibiuse chamada deste señor, que se presenta como asesor do Ministerio, tratábase do señor García", explicou Manuel Palomino.