O extremo Jaime Gallardo asina co Frigoríficos ata o 2026
O extremo Jaime Gallardo asina co Frigoríficos ata o 2026
Chega a Cangas para suplir a baixa do internacional portugués Jenilson Varela, que asinou polo Limoges francés
O Frigoríficos do Morrazo anunciou este venres a fichaxe de extremo dereito Jaime Gallardo, quen chega ao Gatañal procedente do San Pablo Burgos, ao que se enfrontou o equipo galego na promoción de permanencia na liga Asobal.
O madrileño, de 25 anos, reencontrarase en Cangas co técnico Nacho Moyano, quen o dirixiu na súa etapa no Ikasa antes de que dese o salto á liga Asobal co BM Guadalaxara, co que xogou tres tempadas na máxima categoría.
Gallardo, que asinou un contrato ata xuño de 2026, chega ao Frigoríficos para suplir a baixa do internacional portugués Jenilson Varela, que asinou polo Limoges francés.
É a terceira incorporación do equipo cangués tras Arón Díaz (Porto Sagunto) e Arnau Fernández (Rebi Cuenca).
