O Fabril estraga a oportunidade de engancharse aos postos de ascenso
O Fabril estraga a oportunidade de engancharse aos postos de ascenso
Tiña a posibilidade de igualar co Langreo no quinto posto, pero os asturianos levaron a vitoria de Abegondo (0-1)
O Fabril perdeu diante do Langreo unha grande oportunidade para engancharse aos postos de ascenso. Tiña a tiro de vitoria ao quinto clasificado (39 puntos) pero acabou perdendo por 0-1 nun partido no que a orde defensiva visitante marcou a diferenza.
O Langreo avisou no 22 cunha clara ocasión de Dani Hernández. Comezara mellor o conxunto visitante e froito diso chegou o gol do exdeportivista Iago Novo. Un par de minutos máis tarde o Fabril tivo a grande oportunidade para empatar pero o colexiado anuloulle un gol a Mati Castillo por unha falta anterior de Kevin.
O segundo tempo foi o da impotencia. O Fabril non xerou ningunha ocasión de perigo. Tan só un remate de Kevin ao pau, pero a xogada estaba anulada por unha infracción anterior.
