O fiscal mantén a petición de 4 anos de cárcere para Ancelotti por fraude a Facenda
Ancelotti di que nunca pensou en defraudar a Facenda
O avogado pide a absolución ou a aplicación dos atenuantes de reparación de dano e dilacións indebidas en caso de condena
Carlo Ancelotti este mércores durante o seu xuízo por defraudar presuntamente algo máis dun millón de euros a Facenda. EFE/JJ Guillén.
O fiscal mantivo este xoves no xuízo que se celebra na Audiencia Provincial de Madrid a súa petición de catro anos e nove meses de prisión para o adestrador do Real Madrid, Carlo Ancelotti.
O técnico italiano esta acusado de defraudar máis dun millón de euros nos exercicios fiscais de 2014 e 2015, durante a súa primeira etapa no club madrileño.
Pola súa banda, o avogado de Ancelotti pediu a súa absolución e alternativamente que en caso de condena se lle apliquen as circunstancias atenuantes de dilacións indebidas e de reparación do dano, por pagar a débeda pendente en decembro de 2021.
