O Frigoríficos viaxa a Barcelona para a Copa coa mente na eliminatoria de permanencia
O Frigoríficos viaxa a Barcelona para a Copa coa mente na eliminatoria de permanencia
En Cangas, todos son conscientes de que sorprender ao equipo azulgrá é unha misión imposible
![](https://img-g24-crtvg.flumotion.com/prog24/2024/20240530/cangascelebra.jpg)
O Frigoríficos do Morrazo encara os cuartos de final da Copa do ante o Barça coa mente posta na eliminatoria de permanencia na liga Asobal, que disputará a próxima semana contra o San Pablo Burgos.
O emparellamento co Barça deixou sen opcións ao Frigoríficos na súa terceira participación consecutiva na fase final da Copa. Mesmo os seus afeccionados anularon unha viaxe que se esperaba, como adoita ser habitual, masivo.
En Cangas, todos son conscientes de que sorprender o equipo azulgrá é unha misión imposible. Por iso, o técnico Nacho Moyano aproveitará o duelo para preparar o primeiro dos dous partidos que disputará a próxima semana contra o Burgos, un equipo construído para ascender á liga Asobal ante o Villa de Aranda na final polo ascenso directo á máxima categoría.
A idea do técnico do Frigoríficos é repartir minutos entre os xogadores menos habituais para ir perfilando os tres descartes de xogadores estranxeiros que terá que realizar no playdown -nestes momentos ten oito e o regulamento só permite aliñar a cinco: os caboverdianos Elcio Fernandes e Rafa Andrade, os portuguueses Jenilson Varela e Mendonça, o danés Mads Thymann, o húngaro Rajmond Toth, o romanés Rares Fodorean e o exipcio Essam