O G7 ultima un acordo para poñer un prezo tope ás exportacións de petróleo ruso

O G7 ultima un acordo para poñer un prezo límite ás exportacións de petróleo rusos a países fora dos Estados Unidos, a Unión Europea e deste grupo das sete nacións máis industrializadas do mundo, anunciou este luns un funcionario de alto rango da Casa Branca.

"Estamos preto de que os líderes do G7 decidan pedir urxentemente aos ministros concernidos desenvolver mecanismos para establecer un prezo tope global aos cargamentos de cru ruso a países fora dos Estados Unidos, a UE, o Reino Unido e máis alá do G7", manifestou unha fonte.

O funcionario indicou que o obxectivo da medida é cortar "a principal fonte de ingresos rusa" e obrigar a que baixe o prezo do cru de Moscova, minimizando ao mesmo tempo o impacto sobre as economías do G7.

Durante as sesións deste luns espérase que o presidente de Ucraína, Volodimir Zelenski, se dirixa virtualmente aos dirixentes do G7.