O Goberno autoriza a reparación de varios tramos da A-6, A-8 e a A-54 ao seu paso por Lugo e A Coruña
O Goberno autoriza a reparación de varios tramos da A-6, A-8 e a A-54 ao seu paso por Lugo e A Coruña
O Goberno autoriza a reparación de varios tramos da A-6, A-8 e a A-54 ao seu paso por Lugo e A Coruña
O importe establecido é de 1.796.370,38 euros
Imaxe de arquivo/EP
O Consello de Ministros autorizou ampliar a declaración de emerxencia para as obras de reparación do firme de varios puntos da A-6, A-8 e A-54 nas provincias da Coruña e Lugo co obxectivo de emendar a "situación de grave perigo existente". O importe establecido é de 1.796.370,38 euros.
Na provincia de Lugo, as actuacións realizaranse na A-6, desde o punto quilométrico 406+700 ao 540+460, e na A-8 desde o punto quilométrico 505+945 ao 593+040. Na Coruña as obras terán lugar na A-6 desde o punto quilométrico 540+460 ao 593+000. A A-54 repararase desde o punto quilométrico 83+400 ata o 93+400.
Por outra parte, o Consello de Ministros tamén deu luz verde á declaración de emerxencia das obras para a reparación urxente da liña de alta tensión (LAT4) desde a subestación de Velle á subestación de Ourense. Segundo informa o Goberno, trátase dun tramo da liña 810, que conecta Monforte de Lemos e Vigo. O seu importe ascende a 1.279.950 euros.
