Atopan o cadáver dun galego, con signos de violencia, nun hotel de Panamá
Atopan o cadáver dun galego, con signos de violencia, nun hotel de Panamá
O home, de 65 anos, era natural de Boborás e residente en Nigrán, onde tiña unha compañía de iluminación
Investíganse as causas da morte
Un home galego de 65 anos apareceu morto nun hotel da cidade de Panamá, segundo informan medios locais.
O diario de noticias Crítica explica que o corpo foi achado con signos de violencia por persoal do propio hotel situado na rúa Aquilino de la Guardia. Investíganse as causas da morte.
Segundo datos do Rexistro Mercantil, este home, C. S. R., tivo diferentes empresas na provincia de Pontevedra, como unha compañía de iluminación no concello de Nigrán.
Fontes consultadas por Europa Press explican que este home era natural de Boborás, coma os seus pais. Vendeu a súa casa en Brués e actualmente residía en Nigrán.
A morte deste home de negocios que viaxaba de forma habitual sorprendeu en Boborás, xa que aínda mantiña vínculo co concello ourensán, que visitaba con certa regularidade.
