O Goberno busca xa "o mellor día" para recoñecer Palestina como Estado
O Goberno busca xa "o mellor día" para recoñecer Palestina como Estado
Pedro Sánchez inicia este xoves unha xira europea para impulsar o recoñecemento do Estado Palestino por máis países
O presidente do Goberno inicia hoxe unha xira por Europa para impulsar o recoñecemento de Palestina como Estado.
Pedro Sánchez ceará esta noite na capital de Polonia con varios líderes europeos. Despois viaxará a Noruega e Irlanda, e continuará a próxima semana desprazándose a Eslovenia e Bélxica.
O presidente quere que máis países se unan ao recoñecemento do Estado palestino, que España ten previsto declarar en cuestión de días.
Nunha entrevista radiofónica, o ministro de Asuntos Exteriores asegurou que a declaración oficial "ten que ser a curto prazo" e que xa están buscando "o día mellor" para facela.
José Manuel Albares apuntou que "é unha decisión do presidente do Goberno poñelo, pero a gravidade da situación fai que non se poida agardar moito máis".
