Así serán as rebaixas na AP-53 que entran en vigor en xaneiro
Así serán as rebaixas na AP-53 que entran en vigor en xaneiro
Serán para condutores que a utilicen como mínimo 20 días ao mes
Os beneficiarios pagarán un cuarto do prezo de cada viaxe de ida e volta que fagan
Os usuarios da Autoestrada Central Galega, a AP-53, que enlaza Santiago co Alto de Santo Domingo, terán rebaixa no pago da peaxe a partir do un de xaneiro.
A medida forma parte do acordo de investidura do Goberno co BNG.
Os descontos teñen varios condicionantes. De entrada, só se terán rebaixa os condutores que usen a autoestrada un mínimo de 20 días ao mes. Ademais, eses condutores terán que usar a telepeaxe.
Os usuarios que cumpran estas condicións aboarán unicamente un cuarto de cada viaxe de ida e volta que fagan.
56 quilómetros escasos separan a capital galega do alto de Santo Domingo, en Dozón. Percorrelos custa actualmente seis euros con setenta céntimos, o que a converte nunha das máis caras do país.
A AP-53 é nestes momentos a única autoestrada de España sen ningún tipo de bonificacións para os usuarios.
