Desvían a Santiago dous voos con destino Vigo ao non poder aterrar polo vento

Dous voos con destino Vigo tiveron que ser desviados a Santiago de Compostela na tarde deste mércores ao non poder aterrar na Cidade Olívica debido ao vento rexistrado nas últimas horas.

Os avións dirixíanse a Peinador desde Madrid.

Esta situación tamén afectou aos voos de regreso á capital española, debido a que os avións estaban en Santiago, polo que saíron desde a terminal compostelá.