O Goberno concederá "canto antes" axudas para os afectados polos incedios en Asturias

O ministro da Presidencia, Félix Bolaños, visitou a zona asturiana afectada polos incendios e prometeu axudas o antes posible, tendo en conta os trámites administrativos que se necesitan nestes casos.

Na compaña do presidente do Principado, Adrián Barbón, Bolaños percorreu unha das áreas arrasadas polo lume no concello de Valdés. Alí dixo que o Goberno analizará decontado a declaración de zona catastrófica e que habilitará axudas pola vaga de incendios sufrida por Asturias, que calcinou unhas vinte mil hectáreas de terreo.

Bolaños asegurou que o executivo autonómico pode contar co Goberno central para a "reconstrución da economía produtiva" dos lugares afectados.