O Goberno designa o exministro Juan Carlos Campo e a Laura Díez para o Tribunal Constitucional

O Goberno designará o maxistrado da Audiencia Nacional e exministro de Xustiza Juan Carlos Campo e á catedrática de Dereito e exdirectora xeral de Asuntos Constitucionais no Ministerio de Presidencia, Laura Díez para cubrir dous postos de maxistrados do Tribunal Constitucional.

O acordo foi adoptado na reunión do Consello de Ministros deste martes. Adoptou esta iniciativa ante o bloqueo desde hai cinco meses no seo do Consello Xeral do Poder Xudicial para designar a outros dous maxistrados cuxa elección corresponde ao órgano de goberno dos xuíces.

O exministro de Xustiza cubrirá un dos dous postos de maxistrados do tribunal de garantías. O outro será ocupado pola exdirectora xeral de Presidencia e catedrática de Dereito Constitucional Laura Díez.  Constitucional pasa a ter así unha maioría progresista, tras nove anos de maioría conservadora.

Podemos critica a "porta xiratoria" do PSOE por nomear a Campo

Unidas Podemos criticou que o PSOE utilizase "a porta giratoria" para nomear o exministro de Xustiza Juan Carlos Campo como maxistrado do Tribunal Constitucional e incidiu en que "nos gustaría poder discutir os nomes e a súa idoneidade".

O presidente do grupo parlamentario de Unidas Podemos no Congreso, Jaume Asens, criticou que a parte socialista do Executivo informase a parte morada deste nomeamento a "última hora" de onte e aínda que o considera "boa noticia" porque finalmente o Goberno cumpre coa lei, lamentou non acordarse entre ambas as formacións.

Asens criticou que se vetou a Victoria Rosell para ir a un "órgano político como é o Consello Xeral do Poder Xudicial e en cambio se utilice unha porta giratoria para levar a un exministro a un tribunal, onde a independencia é un valor político".