O gol anulado a Lesme alporiza o Anxo Carro (0-0)

O Lugo continúa sen gañar como local no Anxo Carro. Empatou sen goles diante dun dos favoritos ao ascenso, o Andorra, nun encontro no que os dous conxuntos gozaron de boas ocasións para marcar, sobre todo no segundo tempo.

Despois dunha primeira metade moi cativeira en ocasións, o partido abriuse na reanudación. O galego Lauti puido anotar para o Andorra e o Lugo acadou un gol por mediación do paraguaio Lesme que anulou o colexiado a instancias do asistente.