O histórico edificio vigués Gota de Leite será un espazo de apoio integral ás familias
Vaise ampliar a escola infantil e ademais o inmoble albergará un Punto de Encontro Familiar e unha unidade de atención temperá e postemperá
A Xunta vai investir 2 millóns de euros na mellora das instalacións
Na actualidade, o inmoble alberga a maior escola infantil pública de Vigo, que conta con máis de 100 prazas. Coas obras de reforma pasará a ter 30 máis. O histórico edificio tamén vai acoller un Punto de Encontro Familiar e unha unidade de atención temperá.
O Presidente da Xunta de Galicia Alfonso Rueda explicou: "Imos ampliar a escola, facer dun xeito digno un espazo tan delicado como son os puntos de encontro familiar, que estea céntrico e teña cubertas todas as necesidades. Tamén imos dedicar parte do espazo á atención temperá, tan importante, que estamos estendendo por todo Galicia incluso en sitios pequenos".
Ademais da atención temperá tamén se vai poñer en marcha nas instalacións a primeira unidade de atención postemperá de toda a rede pública autonómica galega.
En total, a Xunta vai investir nas obras, que estarán rematadas o ano que vén, 2 millóns de euros.
.png)
