O Juan Sebastián Elcano chega á ría de Pontevedra para pechar o seu cruceiro de instrución
O Juan Sebastián Elcano chega á ría de Pontevedra para pechar o seu cruceiro de instrución
A próxima semana, o rei Filipe VI e a princesa Leonor visitarán as instalacións da Armada en Marín
![](https://img-g24-crtvg.flumotion.com/prog24/2022/20220706/RECEPCIONJUANSEBASTIANELCANO_frame_597.png)
O buque escola Juan Sebastián de Elcano xa está na ría de Pontevedra, onde este venres pechará en Marín o seu cruceiro de instrución número 96.
O barco ten previsto atracar cara ás nove e media da mañá no coñecido como peirao de torpedos da Escola Naval de Marín, onde permanecerá ata o mércores 17 de xullo, día no que partirá cara ao seu porto base en Cádiz.
Despois de seis meses dunha singradura na que se formaron 82 gardamariñas, a embarcación será recibida nun acto que presidirá o comandante director da Escola Naval Militar, o capitán de navío Pedro Cardona.
A próxima semana, o rei Filipe VI e a princesa Leonor visitarán as instalacións da Armada en Marín para o acto de entrega dos reais despachos aos novos oficiais.
Na Escola Naval, Leonor continuará, previsiblemente a finais de agosto, a formación militar.