O Leyma demostra o seu gran momento co triunfo en Alacante

O Leyma Coruña gañou na pista de Alacante (66-79) e sumou a cuarta vitoria consecutiva demostrando afrontar o treito decisivo da temporada no mellor momento. Se o mércores pasou por riba do poderoso Estudiantes cun gran último cuarto o sábado deixou o partido encamiñado desde o comezo. 

Un gran primeiro cuarto marcou a tendencia do partido (20-27). Moito acerto e moitos xogadores capaces de achegar puntos permitíanlle aos coruñeses dominar con vantaxes que se foron por riba dos dez puntos e que no descanso era de 37-47. 

A defensa foi o factor chave nun terceiro cuarto de máis desacerto pero no que o Leyma mantivo o tipo para deixar o partido visto para sentenza (47-61). 

Soluade volveu a estar a un gran nivel (16 puntos, 6 rebotes e 7 asistencias) con Hamilton e Javi Vega machacando de dentro cara fóra e Nick Ward facendo estragos na pintura (15 puntos e 8 rebotes). 

O Leyma encara as catro últimas xornadas coa ollada posta nos cinco primeiros postos, que dan vantaxe na eliminatoria de cuartos de final previa á Final Four.